Proposamena: Bi solairu duen 110m2-ko etxe baten diseinua egitea. Oin-planoak eta altxaerak egin ondoren, perspektiba koniko zeiharrean egindakoaren emaitzak hauexek dira:
domingo, 14 de junio de 2009
Moduluak
Ikasle bakoitzak ezaugarri batzuk dituen modulu bat diseinatu behar izan du:
1. Modulu guztiak karratuak dira.
2. Karratuan irudi bat marraztea baldintza batekin: moduluak lau era ezberdinetan antolatzen direnean osatzen diren lau irudiak koherenteak izatea.
Modulu bakoitza baldosa bat izanen balitz, baldosa berbera erabiliz lau gela marrazki ezberdinez estaltzea litzateke ariketaren proposamena. Lau horietatik hiru garatu dute.
1. Modulu guztiak karratuak dira.
2. Karratuan irudi bat marraztea baldintza batekin: moduluak lau era ezberdinetan antolatzen direnean osatzen diren lau irudiak koherenteak izatea.
Modulu bakoitza baldosa bat izanen balitz, baldosa berbera erabiliz lau gela marrazki ezberdinez estaltzea litzateke ariketaren proposamena. Lau horietatik hiru garatu dute.
lunes, 6 de abril de 2009
BALOI INTERNAZIONALA
sábado, 7 de marzo de 2009
jueves, 5 de marzo de 2009
martes, 3 de marzo de 2009
LEHENBIZIKO BALA
Baserrian jaio nintzen
arbazo zaharren etxean
udaberria aurrean
negu gorria atzean
eten da nire haria
pasa dena pasatzean
hilotza dago larrean.
bizitzarekin jolasean.
Baserriko lanetan
zebilen alaba
ta patuak jo zion
bihotzaren aldaba
bere bide beretik
erori zen ama
aita ezin jasanetz
bizitzaren zama
bere burua urkatuz
joan zen besteengana
Intxaurrondoan dagoen
belearen kanta
bere mokoan behera
doan odol tanta
osabak esan zidan
hitzen zalaparta:
gogoratzen al zara
nola hil zen aita
bere era berean
hilko zara baita
Maldizio beltz hori
gainean dudala
baserritik banoa
inondik inora
bizitzaren bideak
itxi zaizkit ala?
dena begi zorrotzez
ikusten dudala,
karabinan sartzen det
lehenbiziko bala!
Negu Gorriak
ESKLABU ERREMINTARIA
Sartaldeko oihanetan gatibaturik
erromara ekarri zinduten, esklabua,
erremintari ofizioa eman zizuten
eta kateak egiten dituzu.
Labetik ateratzen duzun burdin goria
nahieran molda zenezake,
ezpatak egin ditzakezu
zure herritarrek kateak hauts deitzaten,
baina zuk, esklabu horrek,
kateak egiten dituzu, kate gehiago.
ETA EGUNERO DUGU BEZPERA
azkenak baitakar hurrena
makurrak baitakar argia
hurrenak baitakar beldurra
hasteak baitakar zuzena
zubiak baitakar larria
urratsak baitakar mentura
helduko dela
helduko dela
eta egunero dugu bezpera
osoak baitakar erdia
buruak baitakar zalantza
beroak baitakar lausoa
okerrak baitakar egia
zalantzak baitakar arnasa
barruak baitakar auzoa
helduko dela
helduko dela
eta egunero dugu bezpera
bihotzak baitakar ikara
nekeak baitakar asmoa
gordinak baitakar heldua
ikarak baitakar itzala
usteak baitakar harroa
eskuak baitakar eskua
helduko dela
helduko dela
eta egunero dugu bezpera
lunes, 2 de marzo de 2009
NERE HERRIKO NESKATXA MAITE
Nere herriko neskatxa maite
ahozko lorez zaitut gaur laztantzen
itsaso garden, lur gozoko landare
kresalaren usain, zeru kolore
nere bihotzaren taupaden hotsez
zure grazia dut kantatzen.
Bihotz minberen egunsentia
herri sufrituaren lamia
ipuin zaharren piper eta eztia
erreka garbien kantu bitxia
udazken lizunez zaude jantzia
izar zerutarren irria.
Lanbro artetik itsas geldira
leunki zoazen txori airosa
amodiozko sentipenaren hatsa
zure ezpainetan loratuz doa
goizeko ihintzetan belardi zera
eguzkitan zilar dizdira.
TATUAIA
tatuaia bat ene begietan
gutunetan ageri ez den helbidea
bihotzeko hamazazpigarren tolestura
oroitzapenak izaten zuen ametsa
tatuaia bat ene begietan
harresiz inguratutako kostaldeak ilargian
arratsaldeko bostetan euria egiten duen infernua
iritsi ez diren profetak eta beren telefono zenbakiak
tatuaia bat ene begietan
konplizitaterik gabe leitu ezinezko mezuak
bakardadeak xuxurlatutako sekretuak
ostadarrarekin olgetan pasatako momentuak
tatuaia bat ene begietan
zure izenez izkiriatua
Txili Lauzirika
DAVID ETA GOLIAT
Aurpegia
zapiaz estalirik
eta harria eskuan dutela
oraindik tinko
gazte Palestinarrak
zuzenean bere etsaiaren bila
erakutsiz
zenbat gorroto gorde
dezakeen barnean harri batek
gogoan dute beren
lur zatitua
minutu bat eta gatazka hasiko da
zein da David
eta zein da Goliath?
zenbat izango dira
desagertuko
odol putzu batean?
mila zati egindako ispilua
mila aldiz jipoitutako herria
kale ixtuetan haurren negarrak
fusil hotsekin dira nahastuak
hainbeste hilotzen oroimena
bere begietan diztira sutan
eta gaur al-aqsako sarraskia
mendeku eta harri bihurtu da.
Suscribirse a:
Entradas (Atom)